Þjóðhátíðarmót Þjóðmála á Carton House, Dublin

Írskur herragarður með öllum nútíma þægindum. Tveir gjörólíkir golfvellir sem minna helst á æsispennandi þrautabrautir. Vellir sem maður gleymir ekki í bráð. Öll umhirða óaðfinnanleg og þjónusta starfsfólks sótt úr efstu hillu. Að spila Montomerie eða O'meara og enda hringinn á góðum Guinness er írskara en allt sem írskt er. Frábær matur og Michelin-veitingastaður á hótelinu sem er hverrar krónu virði að prófa.

Þegar ekið er inn á svæði sem umlykur Carton House sést strax að mikill klassi er yfir svæðinu. Montgomerie-völlurinn er meira krefjandi af tveimur frábærum völlum, en gott er að muna að yfirleitt er verst að missa boltann til hægri af teig (enda sló hönnuður vallarins, Colin Montgomerie, jafnan fade af teig). Veitingastaðir á Carton House eru allir mjög góðir og mikil upplifun af dvelja á fornfrægum herragarðinum.

Carton House er með betri golfvallarsvæðum sem ég hef heimsótt. Hótelið er gríðarlega fallegt, maturinn góður og þjónustan frábær. Þá skemmir ekki fyrir að Carton House er stutt frá flugvellinum í Dublin. Þetta er tilvalinn staður til að skella sér á - maður er ný farinn í loftið þegar maður slær fyrsta teighöggið.

Það eru mikil gæði í báðum völlunum og fjölmargar golfbrautir sem sitja eftir í minningunni. Æfingasvæðið er í heimsklassa og barinn góður. Það er ekki að ástæðulausu sem heimsmeistaramótið í golfi var haldið á Carton House árið 2018.

Carton House er virikilega flott golf resort. Algjör lúxus. Vellirnir tveir, Montgomerie og Mark O´Meara eru æðislegir vellir. Mikið landslag vatn og skógur. Seinni níu á Mark O'Meara er með skemmtilegri golfholum sem ég hef spilað. Í raun er óþarfi að fara af svæðinu en auðvitað líka skemmtilegt að spila aðra velli í grennd.

Carton House er frábært golfhótel 30 min frá flugvellinum í Dublin. Mjög fallegt umhverfi, góð þjónusta og dúndur golfvellir.