Ski Lodge - Engelberg

Ski Lodge er líflegasta hótelið í Engelberg. Ef fólk kýs að gista annarstaðar er hótelið engu að síður samkomustaður svæðisins eftir að skíðun líkur fyrir ungt fólk á öllum aldri. Styrkleiki Engelberg felst í góðum utanbrautarsvæðum fyrir þá sem vilja meira krefjandi skíðun.

Engelberg er skíðasvæði sem er ólíkt mörgum öðrum skíðasvæðum sem ég hef skíðað. Þetta svæði er ótrúlega fjölbreitt, endalausir möguleikar í fyrir utanbrautar skíðamennsku sem gerði þessa ferð krefjandi og eftirminnilega. Orðatiltækið We roll deep in Engelberg stóð heldur betur undir væntingum

Við hjónin vorum ánægð með ferðina. Mikill kostur að fljúga beint til Zurich og stutt að keyra til Engelberg, falleg leið og tíminn flaug. Engelberg er yndislegur bær með yndislegu fólki, starfsfólkið á Ski Lodge mjög þjónustulundað og þægilegt og aðstaða til fyrirmyndar. Herbergið var yndislegt og útsýnið dásamlegt. Við getum mælt með þessu skíðasvæði fyrir vant fólk.

Ski Lodge er afslappað og skemmtilegt hótel með líflegri stemmningu, góðu viðmóti starfsfólks og frábærum mat. Skíðasvæðið er skemmtilegt en krefjandi og mikið af frábæru off-piste.

Ég er mjög hrifinn af Ski Lodge hótelinu. Þar er Skandinavísk hipstera menning og allt mjög afslappað. Staðsetningin er mjög góð í bænum og þarna skapast gríðarlega góð Aprés stemning eftir skíði og langt fram á kvöld. Þetta er trendí staðurinn í Engelberg. Maturinn, bjórinn og kokteilarnir á Ski Lodge eru frábærir.

Engelberg svæðið er hrikalega skemmtilegt skíðasvæði. Það skal þó tekið fram að þetta svæði er frekar vant skíðafólk þar sem flestar brekkur eru annaðhvort brattar brekkur og síðan meira krefjandi brekkur "svartar og off piste". En mikið svakalega er gaman að skíða hérna. Að auki er mjög skemmtileg Aprés stemning. Áfram Engelberg.