Lavida Hotel at PGA Catalunya

Það er frábær upplifun að dvelja á Camiral. Þjónustan er fyrsta flokks og aðstaðan upp á tíu. Það birtist ekki aðeins í frábæru hóteli og ótrúlegum völlum, Stadium og Tour, heldur einnig óaðfinnanlegu æfingasvæði og klúbbhúsi. Á Camiral er bæði hægt að spila golf út í eitt en einnig að tengja það saman við góða afslöppun og aðra hreyfingu. Það skemmir ekki fyrir að í 20 mínútna fjarlægð, í Girona, eru nokkrir stórkostlegir veitingastaðir sem er meira en þess virði að líta við á eftir annasaman dag á völlunum tveimur.

Camiral er golfsvæði í hæsta gæðaflokki. Öll aðstaða um umgjörð er til fyrirmyndar og starfsfólk leggur sig fram um að kylfingar eigi sem ánægjulegastan dag á vellinum. Báðir vellir svæðisins, Stadium og Tour, eru ólíkir en báðir frábærlega skemmtilegir. Hugrekki af teig er oft ríkulega verðlaunað.

Ég hef farið í reglulegar æfingaferðir og keppt á mörgum mótum á Camiral golfsvæðinu frá árinu 2007. Þetta svæði bíður upp á allt sem golfarann dreymir um, tveir frábærir vellir sem henta öllum getustigum, æfingasvæðið algjörlega til fyrirmyndar, 5 fjölbreyttir veitingastaðir og hlýlegt hótel sem tekur vel á móti þér. Önnur afþreying eins og líkamsrækt, padel, tennis og hjólreiðar sem gerir svæðið eitt það flottasta í Evrópu. Til að toppa svæðið fyrir þau sem vilja blanda menningu inn í ferðalagið þá er stutt inn í Girona þar sem þú finnur fyrsta flokks spænska matar- og vínmenningu. Þetta er svæði sem allir golfarar þurfa að prufa 👌🏻”

Ég efast um að hægt sé að finna betri aðstæður til að æfa og spila golf en á Camiral. Æfingasvæðið er risastórt og nýlega komið með trackman á allt svæðið, flottar vippflatir og stærðarinnar púttsvæði. Golfvellirnir sjálfir eru svo alveg frábærir, Stadium völlurinn er hálf óraunverulegur hann er með svo margar holur sem gætu kallast “signature” holur. Tour völlurinn er líka hinn glæsilegasti og kannski heppilegri fyrir háforgjafar kylfinga. Svo það sem skiptir mig svo miklu máli, líkamsræktin á hótelinu er mjög flott

Þetta golfhótel er í sérstöku uppáhaldi fjölskyldunnar þar sem dekrað er við okkur allan sólarhringinn, hvort heldur sem við erum að spila golf, padel, tennis, hjóla eða bara slaka á við sundlaugarbakkann. Svo má ekki gleyma því að Girona er nokkrar mínútur frá hótelinu í leigubíl.

PGA Catalunya er heimsklassa golfsvæði í klukktíma fjarlægð frá Barcelona. Á svæðinu eru tvö hótel sem fólk getur valið á milli, Camiral (5 stjörnu) og Lavida (4 stjörnu). Tveir 18 holu golfvellirnir eru á svæðinu. Fyrstan ber að nefna Stadium völlinn. Sá völlur er af mörgum talinn vera besti golfvöllur Spánar. Þetta er ávallt matsatriði en ég set hann hiklaust í efri hluta topp 10 sem ég hef spilað ásamt völlum eins og Valderama, La Reserva, El Prat, La Manga, Real Sotogrande, San Roque, Santander svo eitthvað sé nefnt. Hinn völlurinn er Tour völlurinn sem er einnig mjög skemmtilegur völlur sem gerir dvölina enn betri og fjölbreyttari. Ferð til PGA Catalunya er bucket list ferð.