Grand Hyatt La Manga Club & Resort

Má til með að senda þér línu og lýsa ánægju okkar með ferðina til La Manga. Stóðst allt upp á tíu, frábært hótel og vellirnir æðislegir. Æðislegt að spila á öllum völlunum. West var sérstaklega eftirminnilegur. Við eigum klárlega eftir að mæla með þessum stað og vonandi heimsækja aftur

La Manga stóðst allar okkar væntingar og umfram það. Herbergin voru rúmgóð og með góðum svölum. Morgunmatur frábær og gott úrval fjölbreyttra veitingastaða . Heilsulind / Spa var frábær. Vellirnir sjálfir mjög skemmtilegir og gott æfingasvæði. Við stefnum á að fara þangað aftur.

Hópurinn okkar heimsótti Grand Hyatt – La Manga Club Golf and Spa í maí. Hótelið hefur gengið í gegnum töluverðar endurbætur, nýja heilsulindin er frábær, "proshop" hefur einnig verið endurnýjuð og þjónustan var fyrsta flokks. Allt í allt, frábær upplifun. Á La Manga eru þrír afar flottir golfvellir sem henta fólki á öllum getustigum. Ég mæli með La Manga fyrir alla sem gera kröfur.

Gæðin í La Manga golfsvæðinu komu mér þægilega á óvart. Það eru ekki mörg golfssvæði sem hafa þrjá frábæra 18 holu golfvelli með sterkan karakter. Öll aðstaða er til mikillar fyrirmyndar og æfingasvæðið sérstaklega gott. Vellirnir eru hver öðrum skemmtilegri og skal engan undra að golfsvæðið sé talið með þeim bestu á Spáni. Fyrir kylfinga sem vilja spila mikið golf og æfa við bestu aðstæður er La Manga hárréttur staður.

Hótelið er glæsilegt og hótelherbergin mjög rúmgóð. Öll þjónusta og matur var fyrsta flokks og klúbbhúsið skemmtilegur áningarstaður að loknum golfhring. La Manga tikkar í öll réttu boxin fyrir kröfuharða kylfinga

Þetta er alveg frábært. Uppfærslan á hotelinu vel heppnuð og setur þetta á nýjan level. Vellirnir frábærir. Overall - frábær “destination”

Frábærir vellir og gisting sem La Manga bjóða uppá. Ég var hrifnari af Suðurvellinum, þó að Norðurvöllurinn sé ekki síðri. Allir vellirnir eru á topp 40 á Spáni. Vestur #18 - Suður #24 - Norður #34

Vellirnir eru fjölbreyttir og henta kylfingum á breiðu getustigi. Högglend er ekki aðalmálið á La Manga heldur skiptir meiru máli að sýna útsjónarsemi og halda boltanum í leik. T.d. eru fáar par-5 holur sem hægt er að slá inn flöt í tveimur höggum vegna skemmtilegrar hönnunar á vellinum.