East Sussex National er glæsilegt golfhótel, sem er staðsett á 1100 ekru landareign í ensku sveitinni, þó aðeins 40 mínútur frá Gatwick flugvelli. Herbergin eru mjög smekkleg, rúmgóð og vel útbúin. Á öllum herbergjum er flatskjár, kaffi- og tekanna. Baðherbergin eru stór með baðkari og stórri sturtu. Hótelgestir hafa aðgang að frábærri líkamsræktarstöð, 20 m. langri sundlaug, heitum pottum, gufuböðum. Þar er einnig einstaklega rúmgóðri heilsulind, sem hótelgestir geta nýtt sér. Á hótelinu er herbergisþjónusta allan sólarhringinn, þráðlaust net, þrír veitingastaðir, tveir barir, svo eitthvað sé nefnt.
”
East Sussex National er eitt allra flottasta golf resort sem ég hef komið á í Evrópu. Æfingaaðstaðan er í toppklassa, tveir frábærir "championship" vellir og starfsfólkið á svæðinu frábært. Ef þú ert að velta fyrir þér golfi erlendis þá myndi ég hiklaust mæla með þessum stað.Ingi Rúnar Gíslason, PGA kennari
”
Fórum átta félagar saman á East Sussex National og spiluðum 6 hringi á 4 dögum, gætum varla hugsað okkur betra svæði fyrir slíka ferð. Tveir frábærir vellir, góð æfingaaðstaða, glæsilegt hótel og ekki verra að skella sér í heilsulindina eftir góðan dag á golfvellinum. Starfsfólkið tók vel á móti okkur og allt gert til að láta gestum líða sem best. Mæli hiklaust með East Sussex fyrir alla kylfinga, byrjendur sem lengra komna. Topp þjónusta frá GB Ferðum gerir það að verkum að við komum klárlega aftur að ári.Stefán Már Stefánsson, Atvinnukylfingur.
”
Á hverju vori förum við félagarnir í golfferð til Bretlands. Eftir mikla yfirlegu og pælingar völdum við East Sussex National. Við sáum ekki eftir því. Svæðið er í heppilegri fjarlægð frá flugvellinum og hefur að geyma fyrirtaks aðstöðu í alla staði. Æfingasvæðið, golfverslunin, heilsulindin og hótelherbergin voru til fyrirmyndar, meira að segja maturinn var góður – sem er nú ekki alltaf tilfellið á Englandi.Haukur Örn Birgisson, Forseti GSÍ
”
East Sussex National býður upp á frábæra aðstöðu í alla staði, bæði fyrir pör og hópa. Heilsulindin er notaleg fyrir og eftir golf og báðir vellirnir jafn skemmtilegir þó þeir séu ólíkir.Pétur Óskar Sigurðsson, sölustjóri golfdeildar ÍsAm.
”
Mér finnst vera mikill kostur að hafa tvo golfvelli á svæðinu, það býður upp á skemmtilegan fjölbreytileika í golfferðum. Báðir vellirnir voru mjög góðir og umgjörðin í kringum þá fyrsta flokks. Hópurinn var sammála um að fara einhvern tímann aftur á East Sussex National og að mínu mati eru það bestu meðmæli sem hægt er að gefa.Haukur Örn Birgisson, Forseti GSÍ
”
Golfvellirnir á East Sussex National vellinum eru fyrirtak. Hönnunin hentar miðlungskylfingum eins og mér einkar vel, þeir eru vel opnir af skógarvöllum að vera, en þó auðvitað góð áskorun fyrir alla kylfinga. Reyndar hafði eiginkonan mig undir í keppni okkar hjóna, en minningin er engu að síður góð og ég hlakka til að spila þarna aftur, ef guð lofar. Umhverfið er fallegt og friðsælt, vallarverðir vinalegir og þjónustan við kylfinga er sérstaklega góð, minnir á það sem maður þekkir frá Bandaríkjunum.Stefán Hilmarsson, tónlistarmaður
”
East Sussex National ferðin gekk vel og allt gekk farsællega. Frábærir vellir, sérstaklega East. Hótelherbergin voru svakaleg, ca. 90fmSigurjón Gunnarsson, / Manager Business Solutions - Advania
”
Einn af helstu kostum East Sussex National er að svæðið hefur tvo golfvelli. Austur-völlurinn er lengri, mjög krefjandi og mikilvægt að halda boltanum í leik. Margar frábærar golfholur á austurvellinum og þá sérstaklega á seinni níu. Vestur-völlurinn kom mér á óvart og var bráðskemmtilegur. Hann er öllu auðveldari og mjög ólíkur Austur-vellinum þrátt fyrir að þeir séu hlið við hlið. Alls ekki slæmt fyrir kylfinginn að geta valið um tvo velli. Ég mæli hiklaust með East Sussex National og hlakka til að koma aftur.Jón Júlíus Karlsson
”
East Sussex National ferðin var alveg frábær. Klassa vellir og æðislegt hótel. Við vorum allir rosalega ánægðir“Egill R. Guðjohnsen og félagar
”
For the first time visitors who have never visited East Sussex National - think Augusta National, as many believe this particular club brings a touch of Augusta to the Sussex Downs.www.theopen.com
Hótelinu fylgja tveir afburða 18 holu golfvellir, East Course og West Course, auk mjög góðs æfingasvæðis. Báðir vellirnir voru hannaðir af Robert E. Cupp, sem er einn af hönnuðum Jack Nicklaus. Vellirnir voru hannaðir með stórmót í huga þegar hefur verið haldið mót á öðrum þeirra á PGA mótaröðinni. Mikið er lagt í alla hönnun og undirlag vallarins er með því betra sem þekkist í golfheiminum, m.a. var ræktað sérstakt tilbrigði af Bent grasi fyrir völlinn, til að tryggja að veðráttan hafi sem minnst áhrif á gæði vallarins.